برنامج تربيه دواجن التسمين الابيض ( للمبتدئين )

 

برنامج لدجاج التسمين الابيض  
اولا – التغذيه
بنبدأ بعلف يسمى بادئ وده بيكون 23 % بروتين
والكتكوت بياكل تقريبا حوالى 500-700 جرام علف 
بياكلهم فى 15 يوم او 20 يوم والعلف ده بيكون زى
ما قلت 23 % بروتين و 3050 ك ك ( طاقه )
نصيحه بقى فى بداية وضع العلف نحط فى طبق التحضين شويه صغيرين يعنى لما يخلص نحط وهكذا 
بعد كده النامى بيكون 21 % بروتين طيب 
فى ناس ممكن تكون حصل ظروف اثناء الدوره والنمو مش اللى هو ممكن نزود فترة البادى شويه علشان كده قلنا 500-700 
اما النامى فبيكون 21 % بروتين وطاقه 3150 كك 
وتقريبا بياكل من 1.75- 2 ك 
وبعد كده بناكل علف ناهى وده بيكون بروتين 18 % او 19 % وطاقه تقريبا 3200 ك ك وطبعا هنكمل لحد اخر الدوره لحد ما نوصل 3.5 او 4 ك 
ملاحظات نخلى بالنا منها

1- الاطباق فى التحضين ال 5000 الالف هيخدو 80 طبق علف انا عارف انهم زياده بس الزياده افضل 
ولما يكبرو هيخدو 100- 120 علافه بلاستيك او صاج 6 ك ( يعنى بتشيل 6 كيلو علف ) 
2- كل ما الفرخ يكبر نرفع العلافه من على الارض وهكذا 
3- نخلى بالنا مفيش علف يقع على الارض 
4- نحط العلف على مرتين او تلاته هى تعب شويه بس مش مشكله 
5- كل شويه نهز العلف 
6- وطبعا فى الصيف بنرفع العلافات من 9 مثلا الى 5 عصرا او لما الجو يبقى تراوه 
7- فراخ سرده او او اى فرخ مصاب فى اى مشكله اعدمه وريح نفسك لان ده وباااااء لباقى العنبر 
8- بتحط سطر علافات وسطر سقايات وهكذا 
9- ممكن تستقبل الكتاكيت على علف اول 3 ايام وترش عليه سمسم مع حبة بركه
10- لازم نحسب استهلاك العلف كل يوم علشان نعرف حالة القطيع يعنى العلف فى زياده يبقى ماشيين كويس ثبت او اقل او الزياده قليله يبقى عندنا مشكله ولازم ناخد بالنا من لون العلف وريحته 
11- لما اجى اسكن فى التحضين هيبقى كل 50 ك فى متر وكل لما العدد تحس انه زحمه اوسع لحد ما اوصل المتر 10 فرخه 

ثانيا - الحراره 
اول 3 ايام 34 وهنزل بعد كده لحد ما نوصل فى اليوم السابع الى 32 لاكن عاوز اقول ان دى مش قاعده يعنى ايه يعنى ممكن اهم حاجه يكون الكتكوت منتشر فى العنبر وبياكل ويشرب ممكن هذه الدرجات تزيد او تنقص درجة 
الاسبوع الثانى هنبدا ب 32 وهنتهى على 30 ( من عمر 7 حتى 14 ) 
الاسبوع الثالث 30 وهننتهى 28 ( من عمر 15 حنى 21 ) 
الاسبوع الرابع من 28 وهننتهى على 26 ( من عمر 22 حتى 29 ) 
بعد كده نمشيها 25 او 26 او 27 
اهم شئ الفرخ ميكنشى مجهد او بيلهث او لامم على بعضه 


ثالثا - الادويه والتحصينات 
اول 8 سعات هنستقبل على محلول معالجة الجفاف جرام للتر +10 جرام سكر للتر + 0.5 اد3ه 
اول ثلاث ايام نستقبل على انروفلوكساسين + كولستين 
طيب الجرعه انا اول سقوه بحط 2 سم انروفلوكساسين ( لا يؤثر على الكلى ) وبعد ربع جرام كولستين 
وبعد كده بمشيها سم انرو + ربع كولستين 
العمليه مظبوطه والنافق تمام كفايه 3 ايام فى نافق كمل يوم او يومين 
اليوم الخامس والسادس هنزل ب اد3ه +املاح معدنيه + ه سيلينوم كل حاجه مثلا سقوه او 8 سعات 
قبل التحصينه اللى هى هتكون اليوم السابع بنزل برافع مناعه زى الامينولين
اليوم السابع هنزل بالتحصينه وياريت نحصن بدرى على الساعه 7 نكون محصنين وخلى بالكم كل المشاكل اللى بتحصل سببها التحصين يعنى تعطش جامد الكتاكيت تتجنن على الماء تدخل تغرق نفسها تيار هواء على طول تجيلك الطشمه فياريت نخلى بالنا 
بعد التحصينه ممكن انزل ب ه سيلينوم وبعدها ممكن رافع مناعه اليوم التاسع والعاشر هننزل بسقوة سموم ضرورى وبعدها اى حاجه تنفسى لو فى انروفلوكساسين فاضل عندك من التحضين يبقى انزل بيه لمدة 3 ايام مع السموم بالتبادل كل واحد لوحده فى الماء يعنى محدش يقلى مع بعض 
لو لاحظنا اسهال بنى ذو رائحه كريه بكثره ممكن ننزل بجرعة كولسترديا ( سامع واحد بيقول ممكن ميكنشى كولسترديا اى ياعم صح كلامك ممكن يكون اضطرابات معويه عادى يعنى فناخد بالنا قوووى ) 

نسيت صح فى حقن انفلونزا ونيوكسل على اليوم العاشر اللى هى اسمها الثنائى طيب نخلى بالنا من الموضوع اللى هقول عليه 
معظم الناس اللى بيحقنوا معندهمش ضمير ازاى طيب يا هندسه هقلك انت اللى تشغله متسبلوش العنبر كده وخلاص بيعملو ايه يروح المعلم مجمع العنبر كله فى باكيتين والجو بيكون حر ويفضل يحقن فى 3 سعات الكتكوت اللى بيكون فى الحجازه بيكون عرقان يتحقن ويطلع فى الوسع ياخد برد علطول ونلاحظ دايما ان الطشمه غالبا بتيجى من كده 
طيب نعمل ايه يا هندسه اقلك تقسم العنبر لاجزاء مثلا عندك 5000 الالف تخلى 4000 فى حجازه لوحدهم طبيعى يعنى مفيش زحمه ولا اى تاثير وحاجزه فى 500 او الف بكتييير وحجازه يرمى فيها اللى يتحقن كده انسى الطشمه 
نرجع بقى للبرنامج 
اليوم ال 14 
قبله هندى رافع مناعه لمدة 8 سعات الصبح بدرى نحصن الجامبورو ( تحصينه غلسه وشديده ) دايما تعمل مشاكل 
واحد هيقلى بنحصن ازاى هقله فى معادله وهقلهالك 
لحساب كمية الماء 
العدد * العمر * 2 ازاى مش فاهم 
عندى 5000 احصنهم ازاى 
5 * 14 * 2 = 140 لتر ماء 
طيب كل الف ك ليهم امبول وربع من التحصين 
طبعا قبل اى تحصينه بنعطش 
بعد كده 
اليوم 15 و 16 و 17 
سقوه مضاد للكولسترديا 
وسقوة مصاد للكوكسديا 
وسقوة سموم لو فى اى مشاكل تنفسيه هيبقى فى جرعة مضاد حيوى تنفسى 
اليوم ال 18 قبله ب 8 سعات رافع مناعه وبعدين احصن الكوون 
5*18*2= 180 لتر ماء وعطش قبلها ساعتين 
وبعدها رافع مناعه وبعدين بعد كده هنحصن كولون اليوم 28 و 38 بعد كده هنمشى كل اسبوع جرعة سموم + جرعة تنفسى +معوى 
كل 10 ايام مضاد كولسترديا وكوكسديا 
كل 12 يوم غسيل كلوى ومنشط كبد 
المهم اننا نخلى بالنا بعد اليوم ال30 من الكوكسديا والكولسترديا علشان الفرخ ما يسيفش بلغة التجار يعنى يخف 
فى بعض الادويه اللى جربتها واثبتت كفاءه زى 
السيبرو – كولى سبرين – تراى سين – فوسباك – دوكسى – انرو – تيلوزين ده بلنسبه للمضادات الحيويه 
دوكاموكس – اموكسيد الاتنين 80 % مضاد للكولسترديا 
داينوكوكس – نيو كوكس – تولتراسول – دلتا زوريل مضاد للكوكسديا 
Btl - سينرتوكس من مصدر موثوق مضادات السموم 
رينيل غسيل كلوى 
هريبانول غسيل ومنشط كبد 
التحصينات ( انتر فيت او ISO )

برنامج اخر لدجاج التسمين الابيض 

دوره تربيه الفراخ البيضاء (40يوم )
يتم الاستقبال فى الحضانات على درجه حراره 34 م
يتم تنزيل الحراره 2درجه كل اسبوع وتثبت عند 24 م حتى نهايه العمر

اليوم الاول /
يتم الاستقبال على مياه بالسكر وذلك نصف كيلو سكر / جردل مياه لمده 8 ساعات
او عسل ابيض
او أكياس محلول معالجه الجفاف وذلك 2كيس/ الالف كتكوت لمده 8 ساعات
او بالتبادل بين السكر و أكياس محلول معالجه الجفاف لكل منهما 4-5 ساعات

اليوم الثانى /
نضع مضادات حيويه معويه وتنفسيه على مياه الشرب
(ضد السالمونيلا والميكوبلازم ) حيث انها تنتقل مع الكتكوت من الام عبر البيضه
مثال
تايلان 1/2 جم / لتر و نيومايسين 1جم / لتر
او 8 ساعات
ارثرومايسين 1جم/لتر و كولستين 1/3 جم /لتر
+
ونضيف فيتامينات اد3هـ 1سم/لتر 8 ساعات
+
املاح معدنيه 1 سم/لتر 8 ساعات

ونبقى على هذا النظام لمده 4-5 يوم ويفضل 5 ايام .

اليوم السادس / مياه بيضاء

اليوم السابع /
يتم تحصين التحصين الاول (هتشنر B1 )
وذلك أمبول / 1000 كتكوت
طريقه التحصين
تتم تعطيش الكتاكيت لمده 2 ساعه ونخرج السقايات خارج الحضانه فى بدايه التعطيش
يفتح التحصين تحت المياه ويتم حسابه المياه التى يوضع فيها التحصين على النحو الاتى
حيث تحسب المياه التى تشرب لمده 24 ساعه فى القطيع
ونحسب المياه التى تشرب فى الساعه الواحده
ونضع التحصين فى مياه الشرب التى تكفى لمده 3 ساعات ( 2ساعه تعطيش + 1 ساعه لشرب التحصين ) .
ثم توزع المياه على السقايات بالتساوى وتوضع امام الكتاكيت لمده لا تزيد عن ساعه وذلك فى الصباح الباكر .قبل طلوع الشمس .

ملحوظه /يحفظ التحصين فى الثلاجه وليس الفريزر .
يوضع ثلج فى مياه التحصين ليتم تبريدها قليلا اثناء وضع التحصين وذلك بعد وضعا ليله كامله فى الاناء حتى يتم خروج الكلور والذى قد يسبب موت التحصين .
يمكن ان يتم التوسيع فى العنبر كل اسبوع حيث يتم التوسيع فى كامل العنبر فى عمر 28 يوم .

اليوم الثامن - الحادى عشر /
يتم وضع مجموعه فيتامينات + فيتامين هـ

اليوم الثانى عشر /
يحصن تحصين الجامبورو IBD
امبول / 1000
وذلك بنفس طريقه التحصين السابقه ( التعطيش ) .
ملحوظه / يمكن وضع لبن مجفف منزوع الدسم بنسبه 4 جم/ لتر والذى يعمل كحامل للتحصين ويقلل نسبه دخوله الى الدم فيتيح الفرصه فى تكوين الاجسام المضاده الاعلى ويقلل من رده فعل التحصين .

اليوم الثالث عشر – الخامس عشر
مضاد حيوى ( امبسلين جم/لتر – او اى مضاد حيوى عام ) 8 ساعات
حفاظا على رد فعل التحصين
+
فيتامينات ( أد3هـ ) 8 ساعات
+
أملاح معدنيه 8 ساعات

السادس عشر / مياه بيضاء

السابع عشر – العشرون /
نستخدم مضادات كوكسيديا ( أمبرول او تول كوكس او فيثاكوكس او فارما كوكس او مارفى كوكس ) . +أد3هـ
اليوم الحادى والعشرون /
تحصين اللاسوتا او كولون ويفضل اللاسوتا لانه يعطى مناعه أكثر .
وذلك امبول / 1000 كتكوت وذلك نفس الطريقه السابقه
ملحوظه / اذا وجد القطيع مرض يفضل الكولون .

الثانى والعشرون – الخامس والعشرون /
مضاد حيوى عام مثل اموكسى سيلين او ريفا مايسين وذلك كرد فعل للتحصين والذى قد يسبب كلوستريديا والتى غالبا ما تأتى فى مثل هذا العمر .
ومجموعه فيتامينات أد3هـ وأملاح معدنيه لمده 8ساعات لكل منهما .

السادس والعشرون – الثلاثون /

وذلك حسب ظروف القطيع
· احمرار فى البراز / مضادات كوكسيديا مع تنظيف الفرشه وتجفيفها .
· اعراض تنفسيه / مضاد حيوى تنفسى ( لمده 8 ساعات ) ( اثرومايسين او تايلان )
+( كولستين او نيو مايسين او دوكسى سيكلين ) .
· اذا حدثت كوكسيديا 8 ساعات مضادات كوكسيديا + 8 ساعات مضادات تنفسيه او معويه.
· اثناء وجود الكوكسيديا لا يجب وضع الامبرول مع B مركب
· ونستخدم مثلا كوقايه فى نفس العمر بدون اعراض تنفسيه او معويه ظاهره .
enrofloxacin – Chloromanfecol –oxy tetracycline – deoxycycline

اليوم الثلاثون /
يتم تكرار تحصين اللاسوتا او الكولون مثل الطريقه السابقه

بعد اليوم الثلاثون نجد فى الغالب :
CRD ( chronic respiratory disease )MYCOPLASM + E-COLI
وفى هذه الحاله نعطى مضاد حيوى شديد مثل المذكور سابقا جرعه ونصف لمده 4-5 يوم
ويتم الحقن قبل البيع باربعه ايام
· فاذا كانت اوزان الفراخ تسمح بالبيع عند 36 يوم يتم الحقن عند 30 ثم 32 يوم
· واذا كانت اوزان الفراخ خفيفه ا ك او 1.100 ك نعطى مضادات حيويه تنفسيه معويه فى مياه الشرب حتى تصل الى عمر 36-37 يوم ويتم الحقن يوم بعد يوم على عمر 39 – 40 وفى هذه الحاله تكون الاوزان جاهزه للبيع.
· ويتم البيع عن عمر 40 يوم

ملوحوظه / تتكون الحقنه من مضاد حيوى ضد الالتهابات التنفسيه ومضاد حيوى ضد الالتهابابت
المعويه(CRD ).
مثل ( لينكوسبكتين + سترنيومايسين + جنتامايسين ) مع (سيفوتاكسيم 20جم/طن دجاج او بايكولومبى او تراى البلوسين ) .