-
**** البوست الرابع من سلسلة ازاى تكون مربى ناجح ****
اتكلمنا فى التلت بوستات الى فاتوا عن الاستقبال , التحضين , الاتهابات المعويه , الكوكسيديا والكلوسترديا ,,, ووقفنا لغاية عمر 14 يوم . اليوم ان شاء الله هنتكلم لغاية عمر 19 يوم .
والفتره دى انا شايفها من اهم الفترات فى حياة القطيع .
طيب ليه يابشمهندس الفتره دى من اهم الفترات وايه المشاكل الى هتقابلنى او لو مش هتقابلنى مشاكل اخد بالى من ايه ؟
من اهم الفترات ليه ودا لاسباب كتيره منها غالبا هتحصن جمبورو .منها ازاى توفق بين الحراره والتهويه منها لازم تهتم بالامن الحيوى منها انك لازم توصل الفرخ لعمر 19 يوم بكامل قوته منها تغير من علف بادى لنامى ودا امر مهم لو بتأكل علف بيلت .
غالبا غالبا الاى بى , النيوكاسل , الالفلونزا بنوعيها بتبدأ تظهر على شكل نفوق فى عمر من 21_23 يوم معنى كدا ايه ؟
معنى كدا ان فترة حضانه الفيروس دا بدأت من عمر 16_17_18 يعنى تخيل ان التلت تيام دول فارق كتير بين ان القطيع بتاعك يتصاب او لاء , تخيل سيدى الفاضل ان اى اجهاد ولو بسيط بس متكرر فى التفره دى كفيله انها تدخل عليك فيروس يشيل نافق بنسبة 25_50% ويمكن اكتر ! طبعا .
طيب هنتكلم دلوقتى عن فنيات بسيطه جدا هتخليك ان شاء الله تعدى الفتره دى بنجاح
* اتفقنا ان قبل او بعد اى تحصين لازم ولابد استخدام منشط مناعى ويحبذ كمان شوية فيتامينات
* هكرر مضاد السموم والغسيل الكلوى كل اربع تيام
* هستخدم الفيتامينات والاملاح المعدنيه والاحماض العضويه
* ههوى كويس جدا جدا على قد ماقدر مع ثبات درجة الحراره
* هبعد عن اى اجهاد سواء جوع او عطش او زحام او بروده شديده او حراره شديده , ولو شكيت ان حدث اجهاد فورا استخدم منشطات المناعه
* هخلى الامن الحيوى رقم واحد بشكل يومى خاصة فى فصول الشتاء والخريف
* وانا بغير العلف من بادى لنامى يفضل تصويم الطائر لمدة ساعتين وماننساش استخدام مضاد السموم وقت التغير .
**** بداية نشاط الامراض التنفسيه عامة بتكون من اليوم 19 لو شغال شغل كويس ومراعى القطيع يعنى اخد بالى ان المضاد الحيوى الى انا اخترته من اختبار الحساسيه الى كنت عمله فى البدايه يكون جاهز وابدأ استخدمه بعد اخر تحصين هعمله بـ 12 ساعه
وان شاء الله البوست اللى جى هنتكلم عن الفتره من 19 _25 يوم فتابع معانا .
مشاركة مميزة
إرسال تعليق