البوست الأول :- استلام الصيصان والاستقبال - سلسة مربي الدواجن الناجح للمبتدئين

• 
• السلام عليكم ورحمة الله
  البوست الاول من سلسة المربى الناجح
  
  ***** استلام الصيصان والاستقبال *****
  
  اولا يجب ان تكون الحظيره خاليه تماما من اى روائح للمطهرات التى استخدمت فى فترة التطهير وتجهز درجة حرارة العنبر قبل استقبال الصيصان بـ 12 ساعه صيفا و 24 ساعه شتاءا وايضا تجهيز اطباق العلف والمساقى .
  
  وهنتكلم عن خطوات بتحصل فى الشغل الحقلى يمكن محدش بيحكى عنها كتير ولكنها فى غاية الاهميه .
  
  سواء كنت فى دورة صيف او ربيع او شتاء او خريف اى دوره فى السنه كلها اول حاجه تعملها انك تهدى درجة الحراره داخل العنبر وليكن 30 درجه طب ليه ؟
  
  لان وانتا بتنزل الصيصان من السياره الى نقلاها بترصهم فوق بعض جوه العنبر فلو انتا مظبط درجة على الاستقبال وليكن 34 درجه فبيحصل اجهاد للصيصان الى فى البوكسات الى تحت وبتبدأ الكتاكيت تلهث ودا اول اجهاد تاخد بالك منو , وبعد ماتفضى البوكسات تماما ابدأ ظبط حرارة الاستقبال . المعلومه دى معظم المربيين مابيخدوش بالهم منها .
  
  ملحوظه معظم المختصين فاهمين الكلام الى قولتلوا والى هقولوا فالمربى ياخد باله كويس .
  
  طبعا بيجيلك كتكوت اشكال والوان وهما تلت اصناف كتكوت بشاير وكتكوت قمة انتاج وكتكوت نهاية انتاج وكل واحد فيهم فيه مزاياه وفيه عيوبه المهم انك لازم تفهم انتا بتتعامل مع ايه هل هوا كتكوت بشاير ولا كتكوت قمة انتاج ولا كتكوت نهاية انتاج .
  
  الكتكوت البشاير بيحتاج لدرجة حرارة اعلى شويه بسبب صغر حجمه الكتكوت قمة الانتاج بيحتاج لحراة الكتالوج فى غالب الاوقات الكتكوت نهاية الانتاج بيحتاج حراره اقل شويه من الكتالوج بسبب كبر حجمه فاتعامل مع كل قطيع حسب حجمه فى الحراره .
  
  بالنسبه للتعليف . لو حضرتك ف مصر او العراق يعنى علف بيليت محبب يعنى سموم فطريه من اول دقيقه وعشان تمشى وحده وحده مع السموم ابدأ بانك ماتحطش كميات علف كتير فى طبق التحضين يادوب يكفى ست ساعات وتعلف تانى طيب ليه ؟!!..
  
  الاجابة : ببساطه العلف بتنشط فيه السموم اكتر فى توافر الحراره والرطوبه وكمان لو حطيت علف بكميات كبيره فادا عرضه لانها تتملى بالفرشه وكمان الكتاكيت بتاكل من طبق العلف دا وتنام فوقه وبيحصل تعرق للعلف من النوم عليه والزرق الى بينزل من الكتكوت , كل دى حجات بسيطه جدا بس مع تكرارها هتعملك مشاكل فى السموم كبيره فى العمر الكبير .
  
  نفس الكلام فى الميه والمساقى لو الميه فضلت كتير فى المسقى فادا عرضه للنشاره الى بتقع فى طبق المسقى وكمان الكتكوت بياكل وبيروح يحط منقاره عشان يشرب وبتتلوث الميه فى النهايه ودا مع التكرار هيسببلك نشاط للاى كولاى والميكوبلازما قدام .
  
  فى حالة بقا لو المنطقه الى بربي فيها ميتها كويسه ومفيهاش بكتريا عاليه يبقا نستقبل على اى مجموعة فيتامينات واى منشط مناعى بدون داعلى لذكر اسم المنتج المهم انها تكون شركة ادويه محترمه وبعد مرور ست ساعات يفضل البدء فى برنامج التجضين بالمضاد الحيوى , وهيكون اى مضاد حيوى واسع الطيف بيشتغل على الجرامات السالبه والموجبه تنفسى معوي لمدة اربع تيام جرعه لا تزيد عن 12 ساعه يوميا والجرعه الاخرى مره مجموعه املاح معدنيه ومره مجموعه فيتامينات ومنشط مناعى .
  
  يفضل جداااااا اخذ عينه من الكتاكيت وعمل احتبار حساسيه لمعرفة ما هوا انسب مضاد حيوى هنستخدمه بعد كدا ...